ORANJESTAD – Grupo di mayornan di muchanan special a reuni cu formador. Sra. Terry Gumbs, vocero di mayornan, a trece varios punto dilanti, di nan trabao cu nan ta haci. Muchanan special mester wordo sosteni na tur forma, educacion, inclucion, opvang despues di scol. E cuatro mayornan por a comparti cu formador y demas personanan cu ta atende e ruenionnan. A duna hopi splicacion y tambe a pidi formador pa sigui pone enfasis riba e desaroyo di muchanan special.
A papia di e prome paso, ora mucha nace, y detecta cu e mucha ta special, e ora mester tuma paso di cuminsamento. Na hopi ocacion e detection ta tuma lugar hopi laat. Mas liher cu detecta, por cuminsa traha mas tempran. Ora e muchanan bira grandi, kico ta pasa cu nan? Tur esaki a wordo elabora! Pa gobierno pone cosnan den ley, pa asina por atende cu esaki, den e varios fase di e muchanan.
Nos falta hopi mas pa nos muchanan. Gobierno anterior tabata bezig cu un scol pa muchanan, cu finansas, etc.. nan ta bezig cu par di cos, pero e grupo aki, lo kier controla e proceso, pa loke a wordo papia awe cu formador, lo por bira realidad.
Nos ta den begin fase, pa bay setup e grupo actual di cuatro mayornan, unda lo bay setup e representacion oficialmente den un stichting, pa asina por sigui traha riba nan parti medico, bijstand.
Ora bo tin un mucha special, tin hopi gasto envolvi. Por ehempel, aparato pa oido y asina por sigui menciona hopi cos cu mester ta den place pa e muchanan aki.
E team hunto cu formador tabata hopi habri pa scucha e grupo aki. Terry Gumbs ta contento di a haya oido, for di e formador Wever Croes.
