The Chaz Modeling and Talent School a celebra nan di 25 anniversario.
Diadomingo 5 di November den Renaissance Convention Center The Chaz Modeling & Talent School a presenta un Fabuloso show den cuadro di nan di 25 Anniversario. Un Show cu a wordo organisa cu hopi amor y energia pa tur e añanan cu a desaroya talento aki na Aruba. Muchanan a hasi super nan best y a presenta un tremendo show na unda tabata tin Baile, Canto y Fashion Show. Nos ta sumamente orguyoso di nos alumnonan.
Tabata tin cuatro desfile di Moda presenta pa designernan Neigy Alvarado di Republica Dominicana cu su colleccion “PINK” y Playero, Veronica Angrino di Colombia y nos orguyo di Aruba Gigliola Arends cu su colleccion “Celebration”.
Nos invitadonan internacional tambe tabata tin presentacionnan espectacular, esta Explosion Dancers for di Curacao. Cantante Jada van Dijk di Curacao tambe a duna un super presentacion cu un tremendo repertorio di cancionnan. For di New York tabata presente un hoben artista Ester Lora cu a presenta Cancionan di Broadway y sigur a pone e publico haja kippenvel. Ester a join nos alumnonan tambe riba pasarela pa demostra su habilidadnan di modelahe. Na Final a premia e hobennan cu a gana miho diseñonan den e runway di Explosion of Colors/Prints/Trends, cu a bai pa e categoria Mini Samara Salazar, Pre-Teen Melaiska Woodley y Teen Jaydelynn Vriend. Modelonan Popular a bay pa Jarzhienne Roos (segundo lugar) y Tanique Chan (prome lugar).
E modeshow nan di Barbie y Zilver tambe tabata fabuloso.
Un show super nice caminda cada Modelo a demostra un tremendo dominio di e pararella y nan habilidadnan den baile.
Danki na tur pero tur hende y instancianan cu a aporta na nos show aki cual ta The Greatest Show. Nos lo pone un lista di gradecimento riba social media y alabes poco poco nos lo post e imagennan di nos celebracion!!! Keda pendiente!!!
Pabien na The Chaz Modeling & Talent School y henter e Team cu a traha pa e show aki. Den un palabra … TREMENDO!!! Pa otro aña keda pendiente pa projectonan nobo y grandi pa nos muchanan y hobennan!!!
