Cu orguyo maestronan di Tiger Taekwondo Academy ta anuncia cu nan atletanan a logra medayanan internacional recientemente.
E scol di taekwondo a biaha pa Costa Rica, Las Vegas y Pennsylvania.
Den e campeonato na Pennsylvania, Aleysha Macea a logra medaya di Plata, Dary Morrel y Sue-Jean Kelly a logra Brons.
Na Costa Rica, a logra 3 medaya. Maelynn Fradl a logra medaya di Plata, Aleysha Macea y Sue-Jean Kelly a logra medaya di Brons.
Na Las Vegas tawatin 1500 atleta cu a participa. Aki Aleysha Macea di Aruba a logra e unico medaya di Oro. E otro atleta cu a logra medaya ta Khaleesi Ridderstaat. El a gana medaya di brons.
Tiger Taekwondo ta gradici e atletanan di e delegación di 9 participante den tur categoria na entre otro Las Vegas. Esakinan tawata Sara Chirinos, Atleta adulto categoria -49 kilo, Maelynn Fradl categoria Junior-68, Kaylon Bislip categoria Junior masculino-59, Aleysha Macea categoria Cadete-55 kilo, Sue-Jean Kelly Cadete -44kg, Dary Morel categoría Cadete – 59 kilo, Janoah Ridderstaat categoría Cadete -37 kilo, Khaleesy Ridderstaat categoría infantil- 30 kilo.
Importante ta pa bisa cu no tawatin reunion tecnico ni na Spaño ni Ingles. A stablece e reglamentonan actual.
Master Teofilo Rodriguez y Jason Ridderstaat ta gradici eternamente cada atleta y nan mayornan pa nan sosten, disciplina y pasion hinca durante di nan estadia na e competencianan aki. Pa lunanan largo Tiger Taekwondo a lucha pa por a recauda e fondo necesario pa e atletanan por a participa. Danki tur cu a contribui na e e scol cu nan donacion na e rotondenan di Piedra Plat y Noord. Awe nan por wak bek y bisa cu tur e esfuerzo tawata bale la pena.

LEAVE A REPLY

Please enter your comment!
Please enter your name here