Tin hende cu tin concocimento di caso Poentje Castro cu te ainda no a papia nada, segun OM

0
767

Den e comunicado di prensa di Ministerio Publico, nan ta informa cu nan sa cu tin hende cu tin informacion di caso di asesinato di Poentje Castro, cu te ainda no a papia nada.

OM a bisa cu nan lo habri e caso di nobo y lo bay bek busca tur testigo, pa asina bolbe conversa cu nan riba e caso aki.

Informacion cu SOLO DI PUEBLO tin, ta mustra cu Ministerio Publico a posiblemente a haya un “doorbraak”, o sea nan a haya un buraco den e caso cu lo bay wordo investiga a fondo. E doorbraak aki kisas no ta algo nobo, pero si strategico pa wordo investiga awor.

Durante 10 aña, autoridad por a haya mas prueba, cu na dado momento mester a wordo investiga dor di laboratorionan na Hulanda. Tambe na principio tabatin un telefon celular, cu e tempo ey no a wordo habri, pero e posibilidad tey cu awor si. Tur esaki lo por ta parti di e doorbraak den e caso.

Tin hopi preguntanan cu mester wordo contesta. E caso di Poentje Castro tin solamente di haber cu e asesinato di Poentje Castro? Of por tin otro hende, mas hende cu a wordo asesina, den e mes un link aki ?

Te cu awe caso di Poentje nunca por a wordo resolvi. Poentje Castro tabata un bon persona, hend’i tur hende, trahador, luchador, y tabata gusta su trabao di haci programa di television. Segun nos te hasta el’a kita for di trabao na ENNIA, pe bay dedica mas tempo na su programa “Un dia den bida”, cu tabata tin acogida na Aruba, Curacao y Hulanda.

A scucha hopi teoria, di hopi posibel motibonan. Sinembargo e scenario, con el’a tuma lugar, y e cantidad di tironan cu a cay, por duna si un bon descripcion di e profiel di e asesino.

Maske ta poco tempran, pero e doorbraak por bay den direccion di crimen passional? Unda kisas husticia tin un bon profil di e asesino, cu por fit uno di un persona loco di celos?

Loke tampoco por descarta, te hecho cu Ministerio Publico MES ta pone den su comunicado: Tin hende cu sa algo mas, cu nunca prome kier a papia. Pues, ta sperando riba e persona AKI, pa papia!

Solamente tempo, y e oportunidad nobo di habri e caso bek, lo por trece claridad. E asesino di Poentje Castro y di tur otro victima, merece husticia!

LEAVE A REPLY

Please enter your comment!
Please enter your name here