Marisol Lopez Tromp:
Tin un adelanto con pa procesa bestia morto y sushi di hospital via incinerator compara cu antes cu tabata wordo kima
Tambe Ser’i Tijshi a conoce adelanto
Den un briefing haci na prensa, Minister Marisol Lopes Tromp a splica riba e asuntonan di procesamento di sushi, tanto na Ser’i Tijshi como tambe na Dump di Parkieten Bos como tambe e incinerator.
E mandataria a bisa: Entodo caso pa loke ta e 6 ultimo lunanan cual ami por bisa cu mi a haya e cartera akinan pa traha entre otro di parti cu Serlimar esaki ta un di e puntonan a tuma hopi dedicacion y tempo di nos ministerio muy en particular laga nos bisa e director pero tambe sosteni pa DOW y tur otro departamento, tur esnan concerni cu e meta na prome luga pa trece un alivio di e molester.
Paso mi ta wak aworaki hopi concentracion ta bay specificamente riba e aparato di incinerator, pero loke cu mi kier bisa ta, si ya 60 aña caba esaki ta andando, mi mes tabata den parlamento tempo cu nos tabata tin un debate pa bay sera Parkieten Bos y esey ta meta naturalmente di tur hende pa loke ta salud.
Mi ta consiente di e rapport di PAHO y consecuentemente ora di a cuminsa cu e cartera aki, prome cos cu nos a hasi ta ricibi e habitantenan di e bario cual a bin bishita ami hunto cu e minister president e tempo ey caminda cu nos a scuchanan mas cu un ocacion y caminda cu nan a trece nan preocupacion pa dilanti como fundacion y un pakete basta diki como 2000 firma di precupacion pa loke ta molester.
Dus consecuentemente ta algo cu mesora a cuminsa traha riba dje pa drecha. Bo por bisa e manera cu e sushi tabata wordo dera y bo por bisa cu hues a duna tambe den e veredicto cu bo por wak cu e parti di Sero Tijshi a conoce un adelanto grandi pa loke e tabata 6 luna pasa.
Kiermen mester bisa cu un di e area cu caminda sigur habitantenan tabata bisa cu nan tabata sinti holor y molester y mi ta kere no solamente esun cu a trece e caso akinan pero henter e bario tin molester di dje esey conoce un adelanto grandi y claro nos sigui traha riba tur e otro aspectonan cu ta nesecario pa remedia algo cu ya tin 60 aña ta bay.
Incinerator:
Pero cu entodo caso pa loke ta e uzo di incinerator, con bo por para algo cu no a ni start, e no a cuminsa ainda, e ta den proceso den testing manera cu a wordo bisa, pero los di e parti technico ey mi kier bisa cu ta hopi importante cu e condicionnan cu hues a pone claro, cu esey ta aspectonan cu mi ta kere departamento tambe lo uza como punto di salida y tambe condicionnan, criterianan pa loke ta e uzo di e incinerator.
Pero manera bosa a conoce hopi desaroyo diferente transcursonan di tempo y na e momentonan aki ami por papia pa e periodo di e ultimo 6 lunanan cu ami a encontre cu mi por a aporta na dje y ta aportando ainda na dje hunto cu e esnan envolvi. Mi kier bisa cu tur dia ta dedicaca na dje den sentido ta consiente cu e ta un molester y mi por bisa cu un dia areanan manera mi a menciona esun di Sero Tijshi a conoce un adelanto grandi caminda cu no tin e molester mas manera prome y esey ta loke habitantenan di e fundacion a duna di conoce na nos tambe dia nan a bin bishita nos esta serca mi y serca prome minister.
Nan a bisa cu nan ta satisfecho, cu nan a conoce adelanto ey, pero e no a caba ainda, claro cu tin mas ta bay wordo hasi y mi por bisa e parti di e incinerator loke mi a bin encontra ta, un di e manera cu por yuda por ehempel pa loke ta e bestia mortonan cu bo ta wak ey riba, resto di afval di hospital por bisa partinan cu no ta agradabel naturalmente pa ningun hende, si nan mester wordo kima y den e caso ey, e forma aki ta un adelanto den e forma cu e ta wordo procesa.
