Ministerio Publico muy pronto lo por bay haci otro anuncio grandi, esta cu un otro ex minister y actual parlamentario tambe a bira sospechoso di husticia, dor di hortamento di fondo publico.

Den e ultimo dianan por mira con Partido Avp ta falta respect pa Ministerio Publico y henter e aparato hudicial. Nan kier bende pueblo cu ta gobierno ta laga cera hende, pa asina nan core pa nan actonan descabeya y iresponsabel, y bende como “persecucion”. Aki no tin nada di persecucion, sino un caso serio unda un grupo grandi den AVP a horta tereno di pueblo pa deliberadamente bende esaki pa saca probecho, enrikese nan mes.

Si nan ponencia ta asina ey, cu gobierno por laga cera hende, esey kemen cu ta nan mes den nan mes gobierno na 2017 a laga cera Paul ? Pasobra ta nan mes tabata den Gobierno e momento ey!

Ministerio Publico no ta presta su mes pa weganan politico, maske PG Pieters a bisa bon cla na 2011 cu ministernan di Avp tabata yame pe laga cera hende! Pues, tin prueba con Avp si tabata purba manda, y inteferi den trias politica!

Tres anja pasa, un ex minister di Avp a haya su mes mey mey di un investigacion relaciona cu fraude cu permiso pa 2000 trahador.

Djey ta Benny ta den investigacion.  Awor tin otro ex minister cu muy pronto tambe ta sospechoso di a viola tur sorto di reglanan di etica di bon gobernacion y a horta e pais placa na gran cantidad.

RDA tin cu paga pa te hasta baña cacho cu pushi di Richard Arends:

Richard Arends no por pretende cu e ta sali cu su cara di coco, y tira culpa riba e votadornan di AVP. Votadornan di AVP no a mande bay horta! Esey ta loke e rapport ta signala; ladronicia y conflicto di interes den RDA, salario di 23 mil, cu condicionnan hamas nunca antes visto! Condicionnan unda casi te hasta mester paga pa baña su cacho y su pushi. Richard Arends tabata cobra salario di 23 mil florin pa luna! Plus un contract cu clausula cu si e wordo kita, mester page 5 anja di salario.

Agencia Terra Group di Patrick Paskel;

Awor den fin di siman ta bin resulta cu un miembro di AVP, e periodista Patrick Paskel tambe a horta RDA. Den un rapport cu a sali na superfici’e, por constata cu rotsooi a tuma lugar. Nan a sjoemel cu placa di RDA. Loke e rapport di RDA ta mustra, ta un homber hambra pa placa! Bao di varios compania, tanta bao su nomber y djey bao nomber di Angelique de Cuba, ruman di su casa, fiesta tabata sigui di cobramento.

Esaki tin e votadornan di Avp hopi intriga: dicon tur placa di pueblo a bay den un solo saco? Un solo famia? Dicon Mike a permiti e actitud aki di hende hambra pa placa ?

Si tur e asuntonan aki ta cuadra cu berdad, anto ta di lamenta profundamente mentalidad politico di un partido asina, cu mester ta serio na tur momento y no forma parti di un estafa di fondo publico sea cu ta riba orden di un of otro politico, Mike Eman, of cualkier otro.

Dos contract den RDA: 

Patrick Paskel tabatin dos contract, uno di mercadeo y otro di monitor radionan local. E tabata conta 17.500 pa luna, adicionalmente e tabata manda factura di 99 mil florin, sin ningun splicacion, sin contract, pues hortando e placa manera ladron den dia cla.

99 mil florin dos siman prome cu eleccion na 2017:

Pa colmo e 99 mil wordo cobra net dos siman prome cu eleccion na 2017! Pues no por descarta cu e placa cu muy probabel a bay den direccion di Mike Eman y pa paga campaña di Avp!

Na cualke momento lo sali e noticia cu tur ta sospechoso di husticia y nan mester bay rindi cuenta di recibonan infla y falsifica, estafa, listige kunstgrepen, violacion di reglanan di nv di Gobierno, ontduik belasting ( keda sin declara y sin paga belasting), malversacion na gran escala.

LEAVE A REPLY

Please enter your comment!
Please enter your name here