ORANJESTAD – Mientras cu gobierno ta traha show riba “gobernacion pa e pueblo” y ta ataca ex-mandatario Nel Oduber cu decision ya tuma y retiro sin ningun placa ni condicion, e mesun gobierno ta keda hopi keto riba su propio escandalo: tres comisario poni den holding di Utilities ta costa pueblo Arubano un suma total di 54 mil florin pa luna via ministerio di energia.

E tres comisarionan ta:

Franken, Frank Hoeverts, cu publicamente a wordo acusa den un caso serio di presunto abuso sexual (pedofilia) contra su propia sobrina, y Nuboer. Aparentemente cada un ta cobra 17 mil florin pa luna for di Ministerio di Energia, ademas cu e funccion di bestuur lo duna nan 2000 florin mas !

Segun informe obteni, aparentemente e trio aki ta disfruta di un entrada mensual barbaro, cual por paga hopi famia Arubano un bida digno.

Den un pais cu gobierno ta predica “transparensia” y “sacrificio”, ta inaceptabel cu fondo publico ta wordo usa pa recompensa amigonan politico, sin un valor agrega di nan labor.

Gobierno ta crea polemica riba falsedad cu acusasion sin base pa desvia atencion for di esaki: 3 posicion cu ta chica 54 mil florin pa luna, sin evaluacion, sin responsabilidad publico, y den caso di un di nan, cu un acusacion grave riba su cabes.

Pueblo mester puntra: ta esaki e gobernacion nobo cu a pone? Of simplemente otro acto di hipocrecia y faborece compinchi?

Palabra ta keda na gobierno pa contesta pueblo riba e contract cu e tres figuranan aki.