Diabierna anochi polis a bay Clabillostraat unda cu tiramento di piedra a sali for di man.
Polis a compronde cu un señora lo a bay cana of tawata pasando den e caya, momento cu algun mucha lo a tira piedra ariba e y un of mas mucha cu tawata hunto cu ne.
Na yegada di polis mester a pidi mas refuerso, debi cu esnan envolvi lo ta bisiña. Aki ta unda cu cos a cuminsa bay for di man, debi na algun mucha malcria.
Pa calma e situacion y tambe scual e muchanan, polis a bay over na detene dos menor y dos adulto.
Tur a wordo treci warda di Playa den dos transportwagen, unda cu lo papia seriamente cu nan ariba nan comportacion.
