Awe pa 5’or di mainta patruya di Noord ta meld na central di Polis cu nan lo ta persiguiendo un auto marca Toyota modelo vitz cu ta coriendo inresonsabel (roekeloos) cu luz paga.
Polis ta duna señal pa e para pero e chauffeur no a sigi ordo di polis.
Na altura di Madiki ta purba para e auto y na unda cu segun prome informe a manda auto riba polis. Polis na su turno lo mester a tira y na unda esaki lo a alcansa e chauffeur masculino di e auto.
Polis na su turno ta pidi pa ambulance y hefenan pa bin na e sitio cu maximo urgencia. Ambulance ta yega na e sitio di e sucedido y ta brinda asistencia na e chauffer pero lamentablemente no por a haci nada mas p’e.
Dr.forensico ta presenta y ta constata morto di e hoben di inicial A.C.L. di 19 aña.
Polis technico, slachtofferhulp y demas autoridad a presenta pa haci nan investigacion.
Cuerpo Policial Aruba ta manda palabra di condolencia na famia di e fayecido den e caso lamentable aki .
Landsrecherche tambe a presenta pa haci nan investigacion pa motibo cu ta trata di envolvimiento di agentenan policial. No por duna mas detayes mirando cu e caso ta bao investigacion.
