E CEO y presidente di Aruba Hotel & Tourism Association (AHATA), Tisa LaSorte, a expresa dialuna su preocupacion den Parlamento pa un caida leve den demanda turistico p’e ultimo mita di aña. Segun LaSorte, mita di e hotelnan ta raportando un disminucion den e cantidad di huesped, locual a resulta den un caida di 5 punto den e ocupacion promedio den e ultimo dos lunanan. E incertidumbre actual ta ser señala como un factor posibel tras di e tendencia aki. AHATA ta spera cu e Aruba Tourism Authority (ATA) lo por elabora riba e strategianan pa mitiga e efecto aki.
