Diadomingo atardi pa mas o menos 4:30 habitantenan ariba e caminda di Catiri a spanta, momento cu a scucha un zonido duro pafo.A resulta un biaha mas auto a accidenta.
Prome informe, auto lo a bolter atrobe ariba e caminda di Catiri.
Algun ora mas prome den careda di 2’or, un Nissan March a bolter un 200 meter mas panort di e accidente aki.
Na yegada di polis nan no a topa cu ningun auto gebolter, pero un Toyota Corolla shinishi pega contra un cura pabou di caminda. E chauffeur no tawata herida.
Na e sitio nos a compronde cu e Corolla lo tawata biniendo di pazuid bayendo nort, y dado momento segun e chauffeur e la perde control ariba e auto. E auto a keda pega ariba algun baranca y un beton mat cu lo ta marca tereno di e cas.
Polis di trafico y companianan di seguro a presenta, aparentemente e chauffeur su rijbewijs lo no ta ordo.
