Diadomingo anoci den careda di 11’or polisnan di Noord a sali direccion Saliña Cerca pa un auto cu a bolter.
Polisnan no por a kere nan wowo ora na a yega. Un Toyota Rav color preto, casi nada a keda di dje.
Mesora a pidi pa Brandweer y tambe pa varios ambulance. Debi cu den e auto tawata tin 4 hoben.
Ta asina cu e auto aki tawata bayendo zuid cu un velocidad super halto. Poco mas pazuid di Wacamaya Appartements e ta perde control y ta bay na su man robes.
Ta manera e auto a bay halto y bay termina contra un Van di un compania cu tawata staciona pafo di e oficina.
E Rav a keda completamente destrui, tur hende ta bisa cu ta un milager cu e hobennan a scapa di morto.
Nan tawata herida, pero tawata papia y por a comunica tanto cu bomberonan, polis y Paramediconan.
Varios ambulance a presenta pa transportanan pa Hospitaal.
Na e sitio mayornan di e hobennan a presenta pa pone nan mes na altura di locual a sosode.
