Gobernador suplente di Aruba, Su Excelencia Agustin Vrolijk, desde diaranson anochi 27 di april te cu diadomingo anochi 8 di mei, ora cu Gobernador Boekhoudt tawata den exterior, a asumi e puesto di Gobernador. El a ehecuta e trabaonan regular di un Gobernador, manera firmamento di decretonan nacional. Tambe a ricibi algun persona pa un audiencia.
Riba diabierna 29 di april 2022 a ricibi seƱor Dirk Buitelaar, Regional Manager Air France KLM, pa un audiencia na Gabinete di Gobernador. SeƱor Danilo de Freytas (KLM Sales Manager Aruba) a acompaƱa seƱor Buitelaar durante di e audiencia di introduccion aki. Topiconan di combersacion tawata entre otro e conexionnan aereo di KLM den region Caribense y e situacion actual na Schiphol.
Commandant Zeestrijdkrachten VADM RenĆ© Tas, cu tawata cu bishita di trabao den e regionĀ Caribense, tambe a bishita Gobernador suplente Vrolijk na Gabinete di Gobernador. A papia entreĀ otro tocante e barco Zr.Ms. Friesland cu desde januari ta patruya den e region Caribense di Reino yĀ tocante e desaroyo di e militarnan Arubiano (ARUMIL). Cu e Comandante di MarinierskazerneĀ Savaneta, LTKOLMARNS Art van Beekhuizen cu tambe tawata presente durante di e audiencia, aĀ papia tocante e adelantonan di e Sociaal Vormingstraject (SVT) na Aruba.Ā
Riba diaranson 4 di mei 2022 tambe a tuma luga dos audiencia na Cas Ceremonial di Gobernador. Mainta tempran a ricibi Consulado-General di Republica Dominicana, seƱor Pedro A. Ventura Cruz. Ta prome biaha cu seƱor Ventura Cruz, biba na Aruba, a cera conoci cu Gobernador suplente di Aruba. Topiconan di combersacion a trata entre otro e deseo di Republica Dominicana pa introduci
comercio liber di mercancia entre Aruba y Republica Dominicana, posibilidadnan pa cuido medico na Republica Dominicana y e posibilidad pa personanan di Aruba participa aya na cursonan di deporte.
Seguidamente Gobernador suplente a ricibi seƱor Robert Schuddeboom, Embahador di Reino naĀ Caracas, Venezuela. Na mei aƱa pasa seƱor Schuddeboom a bishita Aruba y a cera conoci cuĀ Gobernador Boekhoudt. Ta prome biaha cu e embahador ta topa cu Gobernador suplente Vrolijk.Ā Topiconan di combersacion durante di e audiencia a trata entre otro e situacion encuanto unĀ cantidad di Arubiano deteni na Venezuela y e estado di e negociacionnan entre Reino y VenezuelaĀ tocante reapertura di frontera entre Aruba y Venezuela. E embahador a informa GobernadorĀ suplente tambe tocante e desaroyonan economico na Venezuela.Ā
Entrante awe, 9 di mei, Gobernador Boekhoudt ta bek den funcion.
