Recientemente Minister di Asunto Economico, Comunicacion y Desaroyo Sostenibel, Geoffrey Wever hunto cu DOW a sinta cu varios comerciante di e area di Columbusstraat y Wilhelminastraat pa informa nan di e trabao di embeyecemento cu lo start dia 11 di april proximo.
Minister di Asunto Economico, Comunicacion y Desaroyo Sostenibel, Geoffrey Wever hunto cu DOW ta reuni cu comerciante di e area di Columbusstraat y Wilhelminastraat tocante e trabao di embeyecemento cu lo start dia 11 di april proximo.E comerciantenan a haya oportunidad di duna feedback y bini cu sugerenciapa asina facilita e trabao, pero tambe a haci suplica pa tene nan na haltura di e progreso y eventual tardansa.
Despues di varios luna di preparacion y coordinacion entre DOW, contratista y Ministerio di Asunto Economico, tur cos ta cla pa cuminsa cu e proyecto di embeyecemento di Columbusstraat y Wilheliminastraat. “Pa yega na e punto aki no tabata facil, pero si tabata necesario pa por cumpli cu e meta stipula den e acuerdo di gobernacion 2021-2025 pa revitalisacion di centro di Oranjestad,” segun minister Wever.
Trabao di embeyecemento lo cuminsa na haltura di Columbusstraat sigui pa Wilhelminastraat un parti y lo tin un duracion di 50 dia.
Den e proximo dianan, DOW lo informa comunidad mas di e proyecto di embeyecemento y tambe anuncia e ruta alternativo pa trafico.
Minister Geoffrey Wever a garantisa esnan presente cu lo mantene e comunicacion entre stakeholders habri pa asina e trabao por cana segun schedule, minimalisando e molester durante e periodo di construccion.
