Siman pasa a tuma luga e TPIE “Tropical Plant International Expo” plant show na Tampa Florida. Maria Vega di Hyatt, Yeremy Servanie y Juliana Hernandez di Marriott Hotel hunto cu Mireya Djaoen di Tropical Garden y Sharline Roga Klaber di Ultimate Landscaping N.V. a bay e Road Show, Cursonan y EXPO.
Tur aña algun personal di e hotelnan sa atende na e exposicion pa keda na altura di e ultimo desaroyonan cu tin den e industria di landscaping. E aña aki e empleadonan a bay den e bus trip di produccion y a bishita 4 diferente luga di plantacion pa wak y siña di esnan di produccion con nan ta produci nan matanan etc. Tambe a atende na 4 diferente curso, Cicle of Production, Pest Interiorscape, Social Media Tips & Tricks y The edge in your inters cape designs. Na e cursonan varios Manager di departamento a papia y a duna nan testimonio di con nan a sobrebibi durante e temporada di Covid y kiko tur nan a haci pa keda riba awa.
Na e Expo tabata tin hopi booth di diferente bibero y productonan di landscaping, manera mata, material, mashin, kimico, decoracion y hopi mas. Un Expo hopi colorido cu matanan nobo y cu hopi cos pa ofrece pa hardin. Tambe a bishita un bibero grandi na Homestead.
