Minister Glenbert Croes a informa e siman aki cu WEB ARUBA tin ya caba 3 aña ta hayando heavy fuel oil for di Ecuador. 50% di e totalidad di fuel oil cu WEB a usa, a bini di Ecuador.
Tabata algun siman pasa cu un trahador di WEB a sali den prensa pa fulmina masha mahos contra Minister Glenbert Croes, instigando cu Glenbert lo kier daña tur e machinenan di WEB, pasobra e fuel oil di Ecuador no ta sirbi.
Busca fuel oil mas barata, kemen daña e machinenan di WEB.
Hopi hende den pueblo a kere mesora e trahador, bisando cu e ta un experto confiabel. Hopi a cuminza dunda den Minister Glenbert Croes su intencionnan, indicando cu Glenbert no sa kico e ta hasiendo.
Awor ta bin sali na cla cu Ecuador a confirma cu nan a saca varios barco di fuel oil cu a busca pa Aruba.
Pues, dicon e instigacion di e trahador? Tur loke Gobierno acutal kier haci, semper e trahador ta sali den prensa ta critica.
Kisas e ta politicamente motiva? Of kisas tin algo otro ta molesti’e?
