Recientemente a tuma lugar entregamento di Diploma na 10 agente Policial tanto di Cuerpo Policial Curacao como tambe Cuerpo Policial Aruba.
![](https://solodipueblo.com/wp-content/uploads/2024/07/200-1024x683.jpg)
E 10 agentenan policial a particpa pa sigui un estudio di Master Ehecutivo den liderazgo Policial. Esaki a inicia na 2019 na unda cu College van Korpschefs a bini hunto pa asina realisa e estudio aki pa asina inverti den agentenan pa nan por desaroyanan mes como lider.E estudio aki tambe tabata tin un bon cooperacion cu Nederlandse Politie Academie na unda e docentenan Sr. Schreurs como tambe Sra. Van de Zee.
![](https://solodipueblo.com/wp-content/uploads/2024/07/10-1-1024x681.jpg)
Altocomisario di Polis di Korsou Sr.Ellis como tambe altocomisario di Polis di Aruba Sr. Arnhem tabata presente na e momento special aki pa duna honor na e graduadonan.
![](https://solodipueblo.com/wp-content/uploads/2024/07/9-1024x681.jpg)
No tabata un estudio facil mirando varios factor difícil a tuma lugar na caminda pero cu determinacion y guia nan a surpasa tur. A entrega 5 agente policial di Aruba di fam Zara, Visser-Boekhoudt, Morel, Vrolijk y Leer y 5 agente policial di Korsou di fam Haile, Rodriguez, Haselhoef, Zwerwer y Aljadidi nan respectivo di diploma.
![](https://solodipueblo.com/wp-content/uploads/2024/07/8-1024x681.jpg)
Cu e diploma aki den man e agentenan policial por reforsa e Cuerpo den liderazgo profesional den departamentonan specialisa pa asina por sigui carga e Cuerpo. Despues di 5 aña Cuerpo Policial di Aruba y Korsou ta asina orguyoso cu trahando hunto por a oragnisa un estudio policial na Aruba y na Korsou pa nos mesun hendenan.
![](https://solodipueblo.com/wp-content/uploads/2024/07/5-1-1024x670.jpg)
Altocomisario sr. Arnhem ta orguyoso di mira nos mesun personal sigui crece y desaroya. Trahando hunto so nos por logra cosnan grandi pa e Cuerpo.
![](https://solodipueblo.com/wp-content/uploads/2024/07/4-2-1024x681.jpg)
Conhuntamente cu College van Korpschefs lo sigui desaroya den e agentenan pa nan por sigui avansa profesionalmente den nan carera policial pa asina por sigui crea líder y un equipo hoben y nobo pa e futuro di e Cuerpo.
![](https://solodipueblo.com/wp-content/uploads/2024/07/3-2-1024x664.jpg)
![](https://solodipueblo.com/wp-content/uploads/2024/07/0-1-1024x681.jpg)