Diabierna anochi den careda di 9’or polis a bay riba e caminda di WVB[Sero Patrishi], unda cu un auto a bolter.
Polis a bin topa memey caminda, un Hyundai Accent ariba su dak, pafo di dje tres hoben cu ta mustra cu lo a caba di traha un caminda.
Nan tawata mustra hopi spanta y alabes tambe “tristo” di locual a caba di sosode.
TESTIGO
Un testigo cu a para su auto mas leu di unda e incidente a sosode a conta polis di locual a sosode.
Parse cu prome a pasa un Honda Fit a pasa prome cu velocidad hopi halto, y despues e Accent tambe tawata biniendo, pero ta perde control.
E dos autonan aki, probablemente tawata pusta, y e chauffeur di e Accent cu dos ocupante mas, a perde control dal contra e blokinan cu ta separa caminda y despues bay bolter.
Ambulance a presenta pa haci un control, y por a mira e la sigui despues.
Caminda a wordo cera altura di Cas Casuela, evitando trafico bin ariba mirando cu e auto tawata memey caminda benta.
