Relaciona cu e informe cu un truck di brandweer a kibra oilpan, SOLO a compronde cu e ta bek den servicio diaranson mes pa 5or di atardi y ta carga cu azeta optimal.
E realidad di e storia ta cu un oilpan di truck no ta kibra su so. Tin dos posibilidad, cual sea e truck por a dal den algo, of e gasketnan di e oilpan por ta gasta.
Mas sigur t’e ultimo enbista cu e trucknan aki ya tin nan edad.
Negligencia di 8 aña:
Debi na negligencia di e gobierno di 8 aña, cu no a inverti den trucknan nobo, awe ta birando dia pa dia mas bisto kico e consequencia ta. Sinemabargo e solucion tey y ta na caminda.
Pronto lo tin 5 truck nobo
Dialuna ultimo, Minister Rocco Tjon a anuncia un flota di 5 truck nobo cu ta na caminda pa Aruba. Manera e trucknan nobo yega, casi sigur lo bay saca e trucknan bieuw di servicio of lo por laganan como reserva.
Diaranson mes e truck a wordo drecha y pa 5’or di atardi e mecanico a pone e truck bek den sercicio y ta cla pa sali atrobe. El’a wordo carga cu azeta optimal y sin ningun problema.
Den menos cu un aña, por mira brandweer cu un adelanto enorme, bao di e atencion di Minister Rocco Tjon y e sindicato, Sr. Rosa, kende a asumi su responsabilidad di lucha pa un mihor brandweer.
