Pasobra tur a peka y ta falta e gloria di Dios. ( Romanonan 3:23).
Ningun hende no por salba su mes.
Ningun hende no por libra su mes di pica, di inmoralidad,ni tampoco di ningun sorto di adiccion.
Ningun hende no por salba ningun hende, pasobra ta solamente Cristo Hesus a muri na crus pa nos.
Ningun hende no por dicidi cu bo ta drenta cielo, esey ta depende di bo relacion cu Cristo Hesus.
Ningun religion lo por cambia bo ser, E Sanger di Hesus so por hacie.
Den Mateo 11:28 Hesus ta bisa : Bin serca Mi tur cu ta cansa y carga y lo Mi duna boso sosiego.
Pasobra den Mateo 11:27 Hesus ta bisa cu tur cos a wordo entrega na Mi door di Mi Tata cu ta den cielo.
Hesus no ta hende cu ta priminti algo y despues no por cumpli, E Mes ta sinja nos pa biba locual cu nos ta papia.
Pesey E a bisa den Juan 14:6 Ami ta e caminda,y e berdad , y e bida, ningun hende no ta bin serca e Tata, sino no pa medio di Mi.
Y den Hechonan 4:12 E palabra di Dios ta bolbe confirma na nos bisando: No tin salbacion den ningun otro pasobra no tin bao di cielo ningun otro nomber cu a wordo duna na hende, pa medio di cual nos mester wordo salba.
Awor tur hende mester sa cu salbacion ta bini unicamente y solamente pa medio di Cristo Hesus, ningun religion of asociacion cu no ta proclama Cristo Hesus como Rey y Salbador no ta berdadero.
Ta dificil proclama Cristo Hesus, y Idolatria of Paganismo na mesun momento, pasobra ta solamente Cristo Hesus ta e Unico Mediador entre Dios y hende.
E fabula cu tin ta bay rond cu ta haci hende sabi y inteligente bira bobo, y cay den scuridad y nan ta bisa cu cada hende tin nan Dios, of cada hende ta sirbi Dios manera nan kier, awel awe e bagamunderia ey ta wordo kibra, pasobra nos tur ta sirbi Dios den boluntad di Dios, y asina bo sali for di Su boluntad , bo tin di arepenti y bolbe bek riba e caminda cu ta den Cristo Hesus.
No tin otro caminda pasobra, e palabra di Dios ta bisa cla den Juan 3:36: Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje.
Pasobra pa medio di gracia boso a wordo salba, door di Fe,y esey no di boso mes,e ta e don di Dios, no como resultado di obranan, pa ni un hende no graba.( Efesionan 2:8-9).
Bijbel ta ripiti varios biaha , y e propio Hesus a bisa cu den e ultimo temponan hopi profeta falso lo lanta, y inikidad lo aumenta, y pa e motibo aki amor di hopi hende lo fria, ma esun cu perservera te na fin, esey lo ta salba.( Mateo 24:11-13).
Pero tambe Hesus a bisa cu hopi cos cu nos ta tende y mira ta sosode ta principio di dolor di parto, esey ta nifica cu tin cosnan mucho mas serio na caminda.
Pesey Hesus a bisa bon cla pa nos no lubida: Juan 14:1-2: No laga boso curason bira intrankil, kere den Dios y kere tambe den Mi.Den cas di Mi Tata tin hopi lugar di biba,si no tabata asina , lo Mi a bisa boso.
Locual Hesus ta bisa ta E so por cumpli cune, ta E so a muri pa nos.
Sinceramente, Pastor Marcel Balootje
