Cuerpo Policial Ta Informa
ACCIDENT A PASA DEN 2025: E DI 11 ACCIDENTE FATAL DEN TRAFICO PA 2025
Diasabra 27 december 2025 pa 8’or di anochi central ta wordo notifica cu un accidente a tuma lugar riba e caminda di Pos Abao.
Un auto lo mester a alcansa 2 hende muher y nan ta mustra gravemente herida.
Central di Polis ta despacha patruya di polis como tambe ambulance na e sitio di e sucedido.
Na yegada di polis a bin topa enberdad cu dos hende muher riba caminda y nan situacion tabata mustra grave. E auto cu a dalnan a bandona e sitio di e sucedido.
Ambulance a yega na e sitio y a duna asistencia medico na e dos victimanan, cu ta turista nacionalidad mericano. A stabilisanan y bay cu nan cu maximo urgencia pa Hospital (HOH).
Specialista di trafico a presenta como tambe polis technico pa asiba haci nan investigacion.
Un di e victimanan su situacion tabata hopi critico y a keda interna den ICU.
Awe diamars 13 januari 2026 pa pa mas o menos 1’or merdia polis ta wordo notifica dor di personal di hospital cu e victima a fayece.
Dokter ta constata morto di e señora turista Lisa Marie Barnett naci 26 oktober 1968 (57aña) na Merca.
E ta bira e di 11 morto den trafico pa aña 2025. Esaki ta motibo cu e accidente a pasa den aña 2025.
Cuerpo Policial ta manda palabra di condolencia na famia di e fayecido.
Cuerpo Policial ta haci un apelacion na e personan cu sa algo of a wak algo pa yama e tiplijn di polis cu ta 11141. Bo ta keda anonimo.
Na e chauffeur di e auto cu a dal e personanan y bandona e sitio “ hit and run” ta haci un apelacion na dje pa para responsabel pa bo acto cometi y presenta na Warda di Polis!.
