Tweedekamer kier castigo di prison pa ‘homogenezers’; pa esnan cu ta duna tratamento pa cura personanan homo
Hendenan cu ta duna terapia pa cambia of cura e orientacion sexual di un persona homo, mester haya castigo di prison of boet halto. Esaki NOS a publica dialuna, refiriendo na un proposicion di ley iniciativo di D66, VVD, PvdA, Groenlinks, SP y Partij voor de Dieren riba e asina yama ‘homo genezers’, hendenan cu ta cura personanan homo.
E terapianan ta wordo jama tambe “tratamento pa converti”.
Nan kier pone castigo penal, pa tratamento pa mucha y adulto unda cu tin un relacion mutuo y respetuoso.
E projecto di ley ta canando su caminda pa haya conseho unda finalmente e mester pasa Raad van State.
E partidonan cu hunto ta forma mayoria den Tweedekamer, kier un castigo maximo di un aña di prison y maximo dos aña na ripiticion. E boet ta poni pa 22.500 Euro.
Comunidad religioso
E tratamentonan aki ta tuma lugar den mayoria cerca gruponan religioso. Pero e partidonan no ta importa unda e ta tuma lugar, ni si ta gruponan religioso. E meta ta pa evita e consequencianan negativo, depresion, y sentido di culpa, serca e mucha of e adulto.
Un miembro di Tweedekamer a bisa cu e ley ta pa proteha e homonan vulnerabel y swak, cu no por nenga e tratamento y ta acudi na e tratamento sin boluntad propio.
