Diahuebs awo, 4 di december, lo tin e ultimo Rosario Bibo pa aña 2025 na kapel di Alto Vista.
Lo cuminsa resa pa 7 or y mey di anochi pa gradici Señor pa tur fabor ricibi sea spiritual of material durante e aña aki. Tambe nos lo mustra nos conformidad pa cosnan cu kisas no a bay mucho bon, pero como hendenan di fe, nos sa cu Señor no ta duna nos un cruz cu nos no por carga. Tur nos confianza ta den djE y nos mama di Alto Vista.
Nos lo resa pa tur nos enfermonan, tur esnan den necesidad, pa nos hobennan, pa den tur cas di famia reina paz y amor durante e temporada di Pasco y cambio di Aña.
Den tur nos preparacionnan material pa celebra Pasco, nos lo tin cu traha tempo pa prepara nos curason pa ricibi Niño Hesus, nos Rey, y acerca su pesebre humildemente.
Comision organisado ta desea tur fielnan un feliz temporada di Fin di Aña, un bon Pasco y un bon comienso di aña 2026 y ta gradici tur cu durante aña a asisti na tur Rosario Bibo na kapel di Alto Vista.
Na nomber di comision
Nilda Koolman
2 di december 2025
