Con safe nos costanan ta ?
Nos Radarnan ta trahando ?
E team crea door di diferente departamento cu mester cuida Aruba su costanan ta den funcionando?
Di e manera aki hopi ta e preguntanan cu ta keda colga, sin por haya un contesta fiho”.
Diadomingo den oranan di marduga Aruba un biaha mas ta haya bishita indesea, di ilegalnan.
E no tawata na Colony manera ya nan ta custuma drenta.
A cambia sitio y a bay nort di Aruba, aunke tampoco ta un parti cu nunca nan a drenta.
Den oranan di diadomingo mainta algun ciudadano a topa cu un boto boca abou pega ariba tera, rondona pa Jerry cans y hasta e motor di boto tawata pega na dje ainda. E area aki ta patras di Kapel di Alto Vista.
Un indicacion cu ta tur hende a yega tera, posiblemente te hasta capitan.
Polis Maritimo a pidi pa takelwagen cu tawata tin e tarea pa lanta e boto y move di e sitio.
Tawata tin suficiente combustibel pa bay bek, mirando cu e Jerry Can nan ainda tawata yen.
Mirando e sitio unda nan a drenta tin un e cabana cu dak color geel, kizas lo a fungi como un mark point pa yega e boca.
Ta conoci cu den mayoria di e casonan aki, fuera di hende ta drenta tambe droga, arma, bestia exotico, steroids(medicamento) y mucho mas..
Kiko a bolbe bay robes, ta e pregunta cardinal cu ta bolbe keda colga un caminda den aire y kizas sin haya un contesta nunca.
