Diamars ultimo durante reunion den parlamento riba presupuesto 2024, Minister Endy Croes a splica riba e trabaonan cu ta andando relaciona cu salarishuis pa maestronan.
El’a splica cu na principio di October 2023 el’a lanta un comision di conseho encarga cu Restructuracion Salarial pa Maestronan. E comision aki, a keda via un Ministeriële beschikking y ta inclui representanten clave di Ministerio di Enseñansa y Deporte cu un hurista como presidente, Departamento di Enseñansa Aruba (DEA), Dienst Uitvoering Onderwijssubsidies (DUOS), presidente di SIMAR y un register accountant.
E comision lo realisa un investigacion completo y presenta un conseho final na Januari 2024. E evaluacion lo adresa e structura salarial di e maestronan y determina con mester implementa esaki.
Minister Croes a duna algun splicacion, riba e diferencianan den pago di trabao relaciona na e estudio di 1ste of 2de graads unda tin difrencianan cu mester wordo elimina.
Diferencia den eerste y tweede graads ta cu esun cu un titulo di eerste graads por traha den un klas cu tweede graads mes y ta wordo paga salaris di tweede graads aunke su titulo ta di eerste graads. Un tweede graads traha na un basis shool ta page manera docente di basisschool. Esaki kier trek recht y paga e maestro di acuerdo cu su studie, segun Minister Croes a trece e splicacion den parlamento.
Wega politico di parlamentario Gun
Durante reunion, Parlamentario Gun a entrega un mocion, unda politicamente e kier a pidi un deseo, pero cual e ta mucho laat, pasobra ya desde October e comision a keda instala y ta hasiendo nan trabao. Pesey tambe su mocion ta “mosterd na de maaltijd” y a keda bari di mesa.
