E anticuerpo cu un curpa a genera despues di a haya coronavirus, lo no impedi pa bolbe contagia cu e variante Omicron, segun un investigacion cu a wordo anuncia diahuebs den un rueda di prensa dor di e Organisacion Mundial di Salud, WHO, seccion Africa.
Siman pasa a wordo anuncia cu a detecta un variante nobo di coronavirus, cual den un rato di ora a hinca mundo henter den panico atrobe.
Tin diferente aspectonan cu ta hungando un rol cu e variante nobo: Su capacidad di contagio, cual ta ser bisa cu e ta contagia mucho mas rapido den comparacion di Delta, pero tambe su resistencia pa vacuna.
Ta sospecha cu un contagio anterior di coronavirus lo no protega contra di Omicron, segun Anne von Gottberg a bisa, kende ta experto den enfermedad infeccioso na e instituro nacional na Sur Africa di enfermedad transmisibel.
E investigacion ta den su fase di comienso, pero e prome conclucion ta mustra cu personanan cu ya a haya coronavirus den pasado, lo por bolbe contagia, debi na e hecho cu esaki ta un mutuacion nobo, y te cu awor, e sintomanan ta menos grave.
Aumento drastico di caso na Africa:
Dos siman pasa Africa tabatin 300 caso nobo pa dia. Diaranson a registra 8561 y diamars 4373.
Segun e experto di WHO, Ambrose Talisuna, nan no sa di unda e variante aki a bini. WHO ta bisa tambe di a tuma nota di restriccion di vuelo pa Sur Africa, pa cual nan ta haya cu e restriccion di viahe ta inhusto y no a wordo basa den ningun consideracion cientifico.
