Esaki ta locual Palabra di Dios ta bisa:
Pesey somete boso mes na Dios.
Resisti e diabel y e lo huy bay for di boso.
Hala serca Dios y E lo hala serca boso.
Limpia boso mannan, boso pecadornan y purifica boso curason, boso di curason dobbel.( Santiago 4:7-8).
Mal influencia no tin respet di hende, no ta importa si bo ta grandi, chikito,gordo, flaco, rico of pober bunita. sabi, of menos studia, mal influencia ta drenta caminda ta falta presencia di Dios.
Tambe mal influencia ta drenta door di mal amistad, canando cu hende cu tin Dios den nan boca, pero Dios ta leu for di nan curason, cu tin apariencia di ta cu Dios, pero nan no ta kere den e grandesa di Dios, ni tampoco ta somete na Dios.
Mal influencia ta algo peligroso, e ta pone hende casa, pensa of kere cu nan ta soltero, of hasta comporta na mes manera soltero, y papia cosnan completamente contra nan matrimonio, keriendo cu esey ta molestia otro hende, caba ta nan mes e ta haci danjo, pasobra boca di hende tambe ta yama mal influencia riba nan propio bida.Y despues kier tira falta riba otro hende.
Mal influencia ta diabolico, mal influencia ta den aire, mescos cu maldad ta den aire, pasobra e ta bini for di diabel, kende ta busca un curpa y un mente cu e por manifesta den dje.
Pesey e palabra di Dios ta bisa:
Sea sobrio, sea Alerta, boso adversario e diabel , ta cana rond manera un leon cu ta grunja buscando ken e por devora.Ma resistie firme den boso Fe, sabiendo cu boso rumannan den henter mundo ta pasando door di mesun experiencia di sufrimento.( 1 Pedro 5:8-9).
Awor nos tin cu comprende cu e mal influencia ta tur caminda,y solamente e por wordo venci pa medio di Fe den Cristo Hesus.
Mal influencia ta haci hende su curason duro contra otro:
Pone hende perhudica otro,
Pone hende bringa y hasta pone hende mata,
Pone hende traiciona, pone yuinan rebeldia,
Pone hende kere cu nan tin poder y cu nan ta mas halto cu Dios.(Ta mal influencia ta trece dictadura gueriya y gera)
Pone hende discrimina,
Pone hobencito cana cu arma,
Y pone hobencita bende nan curpa, pa placer mundano.
Mal influencia ta pone homber maltrata muher y muher matrata homber.
Ta mal influencia ta stroba hende di sirbi Dios, y ta busca tur sorto di excuus, pa no obedece Dios.
Wak bon y tene cuenta, si bo no ta serio cu Dios, tur dia lo bo tin un excuus pa no haci oracion y ora bo tin cu bay cas di Dios, ta sali algo cu ta stroba bo, of bo ta pone hende prome cu Dios, y ora problema y malesa presenta e nomber di Dios ta prome cos cu ta sali for di bo boca.
E ta parce manera mucha cu no ta tende di nan mayornan, cu keto bay ta cana cu idea di bringa, papiando palabra malo tur caminda, no tin respet ningun caminda, ni tampoco pa nan propio mayornan, pero ora problema presenta y nan cay den man di autoridad, prome nomber cu ta wordo menciona ta di Dios, mama y tata.
Mal influencia ta pone hende tuma mal decision, pensando di ta sabi, pero ta resulta di ta bobo, ora un tata ta den gara di mal influencia henter e famia ta wordo perhudica, pasobra mal influencia ta usa su posicion pa kibra su famia.
Berdad ta y ta keda cu solamente presencia di Dios, por kibra destrui mal influencia.
Sinceramente, Pastor Marcel Balootje
