A lanta un discusion den e discipelnan tocante cua di nan tabata esun mas importante. (Lc 9,46)
Esun cu kier ta prome mester ta ultimo y sirbi cu tur humildad. Hesustabata sa kico nan tabata pensa den nan mes. El a bisa nan: kiermen si Ami boso Señor y Maestro a laba boso pia, boso tambe mester laba pia
di otro. Mi a duna boso un ehempel pa boso tambe haci pa otro loke Ami a haci pa boso. ( Hn 13,14-15) haci sirbishi silenciosamente y humildemente, yuda otro , semper bo por yuda otro cu un palabra, cu un sonrisa , cu un abraso of cu un bishita. Bo por yuda otro cu algo di placa, semper bo por duna otro algo for di bo mes. Bo por alivia otro su sufrimento, bo por kibra e abismo di soledad, bo por seca lagrimanan di desesperacion, bo por yuda carga e Cruz pisa di edad of di malesa. Busca un honor so, esta pa nan yama bo “ bon hende”.
Oracion : Señor laga mi ta semper humilde. Laga mi sea un bon hende pa nan cu ta cerca mi, pa nan cu conoce mi y pa esnan cu mi ta topa riba caminda di mi bida. Amen
