For di e resultado di eleccion 2024 di Aruba por conclui cu pueblo votador a duna señalnan cla di “kier cambio” y no mas corupcion ni lantamento di pueblo/grupo contra otro.
Bisto ta cu pueblo a rechasa bon cla :
– corupcion , dunando e partidonan AVP y MEP menos voto cu a resulta – pa tur dos – den 6 asiento limpi so den Parlamento y cu “restzetel” nan ( 3 y 2 ) basa riba un formula “partidista” bentahoso pa AVP y MEP.
– partidonan chikito “bieu” concentra rond di un of dos candidato so cu fama/conoci den pueblo participando na e eleccion cu e meta pa traha den un coalicion cu AVP of cu MEP teniendo e yabi pa por “baha” Gobierno ora cu ta cumbini .
E partidonan cu a probecha di e situacion caminda ni AVP ni MEP a logra mayoria pa goberna nan so , a resulta di ta e dos partidonan chikito “nobo” es ta PPA cu un asiento y FUTURO cu tres asiento den Parlamento.
Pa por logra trankilidad den mundo politico y den pueblo general , e sugerencia ta pa trata di forma un GOBIERNO NACIONAL caminda tur partido den e Parlamento nobo ( AVP , MEP , FUTURO y PPA ) por tin un representacion ( preferibel un experto riba su tereno) den forma di un Minister bou guia di un Minister President apunta pa e cuater partidonan AVP , MEP , FUTURO y PPA hunto.
PA PENSA ARIBA SIN MIEDO !
