Dios ta regala nos rosea
Dios ta duna nos bida
Y hopi biaha Dios ta tuma esnan cu e ta stima
Na maneranan cu nos no ta comprende
E precioso ser Hende
Den nos fe nos ta fuerte y ta bira mas cu e malesa
Nos ta pasa den pruebanan y nos ta resa
Pidi Creador mas tempo
Nos bida mas atento
Cu gradicimento pa e regalo bida
Den bijbel number 70 anja, y mas cu 70 ora bo biba den Su Gracia . Misericordia y Amor
No ta tur ora e bos di e patient ta wordo scucha
Y nan ta lubida riba dje
E patient , cu ta mas cu su malesa mas cu tur rikesa, mas cu tur beyesa, Su rosea un cu naturalesa, no tin cu sigi sufri
Pasobra tin cosnan pe cu no ta wordo trata y cubri
Cada ken cu su consenshi
Cada ken cu su mente alma y curason
E patient cu pa falta di trato profesional na tempo
No a keda bon
Ta drumi cu su bos keto
Y ta laga atras un reto
Pa demonstra cu e ta mas cu su malesa, e tawatatin un bos
Cu profesionalnan no tawatatin oido p’e
Nan tawata demasiado ocupa y no a honra nan titulo cu nan a studia pe
E patient su bos silencia
Su malesa evapora
A disaparece den palabranan bashi
Scondi pa no spanta otro patientnan,
Pusha nan cu remedinan
Cu nan no tawatatin mester di nan
Cu e profesionalnan mes no ta bon na altura pakico tanto pilder prescribi
Cu of sin malesa, cu of sin bos
Nos pueblo ta laga tur cos den man di Tata Dios.
E ta stima cada un di nos.
Ruthy Lady Ruth
September 17 2026
