Un parti cu sinceramente mi por duna Juez rason ta loke e a bisa di e acusación di comisión 11 den e comunicado di 4 juli 2025, cual ta bisa: Tur e violacionnan describi aki ta demonstra cu Sra Brito y su grupo “kier converti” CAPA y SEPPA den organisacionnan mafioso.
Juez y hopi henden por bisa cu e declaración aki por ta un tiki radical, pero ta trata asuntonan di Trahadornan y sigur den mundo sindical cu e tantísimo violacionnan den SEPPA y CAPA, e pensamento aki ta comprendibel
Esaki e comunicado di comision a trece a base di e tantísimo violacionnan di Statutonan di SEPPA. Nan ta hopi. Den e comunicado di ayera mi a bay den detalle y si suma tur nan ta surpasa 50 . M. Brito ta actúa como e líder máximo di SEPPA=Secretario General, pero después di 2013 no a ser eleigi mas.
Tambe tin e consideración den e comunicado di 4 juli 2025, cual ta referi na CAPA, a base di e caso gana contra CAPA di Comision 11.
Den e comunicado di ayera mi a splica detalladamente con Comision 1 cada biaha a dal contra muraya, mientras ta e verdad nos tabata rondea con e ladronicia di F382.000,= a sosode, kendenan mas cu e culpabel mayor ta envolví o a duna oportunidad pa comete e ladronicia.
E hecho cu M. Brito ta e tesorero di CAPA, esta e persona mas responsable y cu mester tabatin un plan di trabao pa preveni tur ladronicia den nos cooperativa, specialmente uno cu a dura hopi tempo.
Ayera mi a detaya e caminda di cruz cu Comisión a pasa aden, parti ta después di e caso den corte.
Ta di mas y awor un persona cu a ser saca for di Orden di abogadonan na Aruba, no pasobra e ta bon mucha, ta hala un banda , e directiva di CAPA eligi pa miembronan pa defende nan interés y ta bisa cu e registro ofreci na Comision11 ta keda ariba mesa y directiva di CAPA no ta bay perde tempo mas, relaciona cu e e veredicto di e caso ariba e registro.
Nos a gana e caso den corte pa ricibi e registro, pero nos no por a ricibi e registro manera Juez a stipula. Tur esfuersonan di Comision 11 ta pa haya sa e berdad ariba e ladronicia di F 382.000.=.
Esakinan ta motibonan pa miembronan di Comision 11 yega na e conclusión, cu Sra m. Brito=Tesorero di CAPA=Secretario General di SEPPA y su grupo “kier converti” CAPA y SEPPA den organisacionnan mafioso.
Ta bon pa miembronan di SEPPA analisa e situación aki, nos no a bisa cu SEPPA y CAPA ta organisacionnan Mafioso, pero kier converti y pesey actuación correcto di miembronan di SEPPA.
Tambe nos a bisa cu e miembro di SEPPA ta un hende drechi y “keda keto”, no ta un opción.
Ban pone orden den SEPPA y CAPA.
Gregorio Wolff
