ORANJESTAD: Diasabra ultimo henter comunidad tabata den movecion pa e di 10 edicion di Aruba Doet! Un team entusiasma di Banco di Caribe a participa na e accion boluntario mas grandi riba nos isla. Banco di Caribe tin hopi aňa ta participa y e aña aki a duna un man na John Wesley College. Un team consistiendo di empleado y nan famia a pone man na obra y asina contribui na e proyecto aki. E team a verf 2 local y un chill room pa e alumnonan.
E compromiso di Banco di Caribe cu e comunidad Arubano ta consistente. Pa hopi aña caba diferente fundacion y organisacion na Aruba por conta cu nan sosten.
Aruba Doet un biaha mas a keda organisa pa CEDE Aruba cu sosten di Oranje Fonds. Banco di Caribe ta felicita ambos organisacion cu un exitoso evento na unda henter Aruba a biba cu e accion boluntario riba diabierna y diasabra ultimo. Na 2021 nos a haya 2.600 boluntario y 191 proyecto, na 2022 mas di 3.200 boluntario a duna un man na 189 proyecto na Aruba. E aña aki a logra haya mas boluntario den movecion! Como instancia comercial, Banco di Caribe ta haya importante pa duna un contribucion. Riba e fotonan adhunto por mira Banco di Caribe su team di boluntario y nan famia den accion!
