Diasabra ultimo henter comunidad tabata den movecion pa e di 10 edicion di Aruba Doet! Un team entusiasma di Banco di Caribe a participa na e accion boluntario mas grandi riba nos isla. Banco di Caribe tin hopi aňa ta participa na Aruba Doet y e aña aki a duna un man na Mon Plaisir College HAVO. Un team consistiendo di empleado y nan famia a pone man na obra y asina contribui na e proyecto di Aruba Doet. E team a verf varios lokaal unda alumnonan ta haya les.
E compromiso di Banco di Caribe cu e comunidad Arubano ta consistente. Pa hopi aña caba diferente fundacion y organisacion na Aruba por conta cu nan sosten.
Aruba Doet un biaha mas a keda organisa pa CEDE Aruba cu sosten di Oranje Fonds. Banco di Caribe ta felicita ambos organisacion cu un exitoso evento na unda cu henter Aruba a biba cu e accion boluntario riba diabierna y diasabra ultimo. E aña aki por a duna un man na 189 proyecto y por a conta cu mas di 3,500 boluntario den movecion! Como ciudadano comercial, Banco di Caribe ta haña importante pa duna un contribucion. Riba e fotonan adhunto por mira Banco di Caribe su team di boluntario y nan famia y e Director di Banco di Caribe Sr. Giovanni Croes den accion!
