Diasabra 26-9-2026 Fundacion E Fortaleza y Sosten pa Famia, ta organisa for di 9am -12or di Merdia.
Un mainta informativo y registracion pa tur dama cu por ta pasando den e dificultad cu uso di droga of alcohol of pa un of otro motibo ta den un trauma, cual lo tuma lugar den Club Sta Theresita na San Nicolas.
Durante e mainta aki bo por hanja informacion, orientacion y sosten den un ambiente,sigur respetuoso,y confidencial.
For di awe nos kier invita cualkier dama cu tin dificultad cu uso di droga, alcohol, of ta den un trauma pa e por scirbi nos libremente email fortalezapafamia@gmail.com y pasa diasabra 26-9-2026 pa nos por dune mas informacion. Tambe bo por haci uso di whatsup 7403237/ 6619150 pa asina nos por tin contacto cu bo persona , sperando bo bishita, please scirbi nos. .
Tur esaki ta locual nos ta preparando, pasobra como Fundacion nos moviendo seriamente riba construccion di un Rehab y Trauma Center pa Damas, nos sa cu no ta tur hende mester ta interna den un lugar, pero ora nos tin e contacto nos por yega na sa cuanto damas di berdad tin mester di ayudo.
Pesey nos ta invita tur dama, cu por tin dificultad cu uso di droga of alcohol of den trauma cu ta biba den e tur e barionan den y rond di San Nicolas , cuminsandp cu Esso Heights, Lago Heights , Village, Mabon , Cura Cabay, De Vuyst, Colony, Rooi Master, Zeewijk, Juwana Morto, Weg Fontein,Sero Preto, Sero blanco s/n, Brazil, etc , please acepta esaki como un invitacion personal, pasobra nos tin e boluntad pa yuda bo, pero nos mester sa con pa yega na bo persona.
Pesey Diasabra 26-9-2026 , bin dal un Koffie of Thee serca nos y asina nos por duna bo informacion di tur locual nos ta haciendo, y con nos deseo ta pa yuda bo persona.
E ta un mainta pa damas, cu ta sinti riba nan curason cu nan mester di un ayudo pa sali for di e dificultad di usa Droga of Alcohol , pero tambe pa esnan cu pa un of otro situacion ta traumatisa.
Nos kier yuda bo, pasobra nos sa, e peliger, cu bo cas, bo famia, bo trabao , bo matrimonio, y bo yuinan ta corre, si bo keda den mesun situacion.
Nos tin hende cu ta spera brasa habri cu un mente positivo, cu ta comprende e situacion, duna apoyo,y mustra cu tin speransa, y pa cada ken sa cu nan ta importante.
Asina cu nos ta cla cu San Nicolas nos lo sigi pa otro distrito te na e momento cu nos por alcansa tur esnan cu tin mester di ayudo.
No lubida Diasabra 26-9-2026 for di 9am nos ta spera tur damas cu por tin dificultad cu uso di Droga of Alcohol, y pa un of otro motibo ta Traumatisa, pa nan ta bishita nos na Club Santa Theresita na San Nicolas.
Nos ta conta cu boso presencia.
Fundacion e Fortaleza y Sosten pa Famia.
