Lady Ruth no sa hopi di dje Lady Ruth ta respet’e Lady Ruth ta elogi’e Pa tur locual Boi ta hasi Pa documenta historia Bida interesante di Nos grandinan y baluartenan rond di dje E ta e blendjie cu ta bula Di Boneiro pa Aruba y pa Corsouw tambe si mi no tin hera, combersa y filma Informacionnan concreto Y berdad den bida di otro Toca sintimentonan secreto cu a hera bay perdi Bunita relata y comparti Mientras su bida mes ta sigui desaroya cu mas y mas cosnan bunita Mas experiencia y lesnan pa sinya di nan Awe cu mas lus riba Boi Nos prohimo ruman Nos kier pa Boi tambe sa cuanto nos ta stim’e y aprecia su humilde y bunita curason comparti Fuhikubo un pilar cultural Cu su historia sin igual Boi ta un cabayero profesional den periodismo Lady Ruth a conos’e durante un Siman di buki Den luna di November pa di dos biaha, of mihor bisa tope’le pa di dos biaha Su guapo cara y su bunita caracter no a cambia Danki na e gentil cabayero Boi Antione di dushi Boneiro Un bunita isla ruman pa keiro y bishita Danki pa tur locual Boi a , ta y lo hasi pa nos islanan ABC , tur inspira Cu Bon Dios duna Boi mas forsa fisico den un balans mental, emocional y spiritual dia pa dia Sigui goza cu Boi su bunita y dushi famia Yen di mas sabiduria Cu alegria nos chispa di amor y gradicimento Pa bon salud y hopi momento contento Exito den tur futuro proyecto na caminda Riba Boi nos tur ta brinda ! Un “bearhug” di ARUBA Un “bearhug” di Lady Ruth Ruthy”Lady Ruth” September 2025 Dia di Boneiro por a pasa, E amor p’e ta pa semper.
