Diabierna, dia 16 di mei, Fundacion Savaneta Aruba a lansa un operacion di limpiesa impactante den e area natural di Savaneta, marcando un inicio exitoso den nan compromiso pa un medio ambiente mas limpi.
Cu un colaboracion solido entre City Inspector, Marinierskazerne y Serlimar, e prome dia di e iniciativa a resulta den un progreso significativo. E esfuerso a continua diasabra, unda Fundacion Savaneta a uni forsa cu Aruba Doet, sperando un participacion masal di 120 boluntario dedica pa sigui cu e trabou esencial di limpiesa.
E operacion di diabierna a conta cu sosten valioso di Aruba Tourism Authority (ATA), WEB Aruba N.V., Utilities Aruba N.V., y awa proporciona pa Metacorp. E apoyo aki a hunga un rol crucial den e exito di e prome dia, permitiendo e fundacion avansa den nan meta pa crea conscientisacion riba e importancia vital di un naturalesa sano y limpi pa Aruba.
Fundacion Savaneta ta expresa su gratitud profundo na tur e partner y boluntarionan cu a contribui n’e prome dia exitoso aki y ta anticipa un continuidad fructifero di e trabou durante e evento di Aruba Doet. E iniciativa aki ta un ehempel inspirador di con colaboracion comunitario por hiba na un impacto positivo pa nos medio ambiente.
