Ta deseo di Dios pa nos ta uni, pa nos stima otro, pa nos yuda oto, pa nos restaura otro y pa nos cuida di otro.
Pesey ta para scirbi cu nos mester stima Dios riba tur cos, y nos prohimo manera nos mes.
E maldad y codicia di mundu a drenta y ta haciendo furor tur caminda, treciendo tur clase di inmoralidad, perversidad, mentira, y falsedad pa mantene hende den scuridad.
E palabra di Dios ta bisa lo siguiente:
Pesey , ami prisonero di Senjor, ta roga boso pa cana na un manera,digno di e yamada cu cual boso a wordo yama, cu tur humildad y suavidad, cu pasenshi,soportando un y otro den amor, Siendo diligente pa preserva e unidad di e Spirito den e vinculo di pas.Tin un curpa y un Spirito, mescos cu boso a wordo yama den un speransa,di boso yamada: Un Senjor, Un fe, Un bautismo,, Un Dios,y Tata di tur.( Efesionan 4:1-6).
Y asina, manera esnan cu a wordo scohi di Dios, santo y stima, bisti un curason di compasion,carinjo, humildad, mansedumbre,y pasenshi. Y nos soporta y pordona otro,si un di boso,tin keho contra un otro, mescos cu Senjor a pordona boso,asina tambe boso mester haci.y ademas di tur e cosnan aki, bisti amor, cual ta e laso perfecto di unidad. ( Colosensenan 3: 12-14.
E sistema di kibra otro, lastra otro, tene otro abao , manipula otro, no ta bini di Dios, Dios ningun caminda den su palabra ta manda nos kibra, pero ta urgi nos pa sostene otro, den Su boluntad, pa apoya otro den tur locual cu ta bon y admirabel den bista di Dios.
Especialmente pa nos hobennan , Dios no a manda ningun hende ta odia otro pornada, ta venga otro dijs pasobra nos a mira den pelicula, con hende ta venga otro, y awor boso kier aplica e mesun custumbernan cu boso no sa at all for di unda e cosnan ey ta bini den boso bida.
Maldad no tin frontera, a yega tempo pa stop di imita maldad, y pidi Dios yena boso curason cu bondad pa asina boso por stima otro y yuda otro, mescos cu Dios ta stima boso tur.
E Palabra di Dios ta bisa den Salmo 133:1; Mira ki bon y ki bunita ta, pa rumannan biba hunto den harmonia. Esaki ta e boluntad perfecto di Dios, pa nos tur por biba hunto den harmonia, y no pa nos tin miedo di otro, y nos no por bay den bario di otro y nos no por comunica cu otro.
Laga tur amargura,furia,rabia,griteria,y calumnia,wordo kita for di boso,huntu cu tur malicia. Y sea carinjoso un cu otro, misercordioso, pordonando otro , mescos cu Dios den Cristo a pordona boso.
E asunto cu tin na moda awor , caminda dos ruman ta biba den un cas hunto y nan no ta papia cu otro, nan no por sinta na mesa come cu otro, cada un ta come den su camber, laga nos papia cla e bagamunderia ey no ta di Dios, pasobra Dios ta amor y unidad, y e cos ey ta principio di enemistad y berguensa den famia, no ta nada di broma cune, pero ta un cos di dolor y tristesa, ta algo cu mayornan mester purba cancela mas lihe cu ta posibel, y no lage cria ningun clase di rais den cas.
Dios ya amor, y amor ta bini di Dios, Dios ta manda nos tur pordona otro, y esey ta un ehempel cu mester sali for di mayornan, cu sa cu e vinculo di pas y amor mester wordo mantene.
Sinceramente, Pastor Marcel Balootje
