Diaranson 7 di September, e Dean di e Facultad Tecnico di Universidad di Curaçao Dr. Moises da Costa Gomez, Dr. ir. Richenel Bulbaai, a pasa bishita e oficinanan y e team di Gamma IT Solutions. Universidad di Curaçao den colaboracion cu Stichting Educacion Digital Aruba (SEDA) a cuminsa ofrece e estudio di Bachelor of Information and Communication Technology (ICT) pa studiantenan di Aruba.
E estudio por wordo sigi via lesnan online y tambe lo tin e parti practico. Pa e parti practico aki, e Universidad di Curacao a aserca Gamma IT Solutions pa un colaboracion pa cu e estudio aki.
Gamma IT Solutions lo ta apoyando e universidad door di supervisa cierto di e lesnan practico na su oficinanan unda cu algun di e software engineers di Gamma IT Solutions lo duna support unda cu mester.
Teiry Croes di Gamma IT Solutions ta comenta “Nos ta aplaudi e iniciativa aki door cu e ta habri porta pa nos studiantenan di Aruba por studia ICT for di nos isla. E Universidad di Curaçao a tuma e desafio aki y uza tecnologia door di duna lesnan online pa ofrece e studio aki pa e comunidad di Aruba. Nos ta hopi contento cu e oportunidad nobo aki”.
Pa mas informacion por bishita e website www.uoc.cw.
