Update 6.40 pm; a localisa un curpa mas pa un total di 6 morto.
Den update di e sucesonan, a haya dos curpa sin bida adicional cerca di Vaderpiet, unda un boto cu tabata transporta hende indocumenta for di Venezuela pa Aruba a bolter. Esaki ta hisa e total di victima na 5, cual ta 2 dos homber, 2 muher y un kadaver cu actualmente ta wordo saca di awa y pues no ta indetifica ainda.
Autoridadnan di Aruba a participa activamente den e maneho di e buskeda desafortuna aki cono tambe Kustwacht.
E boto, cu tabata carga cu hende cu tabata enbusca di un bida nobo, a topa cu angustia, loke a causa un perdida tragico di bida.
E operacionnan di buskeda y rescate ta continua mientras autoridadnan ta traha pa identifica e victimanan y recoge mas informacion di e circunstancianan rond di e incidente. Sin duda, famianan y sernan keri di esnan afecta ta enfrenta un momento doloroso y emocional.
E caso aki ta bolbe trece e peligernan liga cu migracion ilegal y ta enfatisa e causa fundamental tras di e biahenan peligroso aki, esta un mal situacion na Venezuela.
Nos pensamentonam ta cu famia y amigonan afecta pa e tragedia aki, mientras cu e comunidad ta lamenta e perdida di bida den e incidente aki. Autoridadnan a bisa cu nan ta compromete pa investiga e incidente y duna apoyo na esnan afecta durante e periodo dificil aki.
Di posibel 17 persona a encontra 5 morto, 2 sano y salvo, y posibel 10 ainda desapareci.
(Foto usa ta referencial y no tin nada di haber cu e caso)
