E plan di Miguel Mansur pa traha un complot entre 3 partido pa forma un bloke, a wordo rechasa dor di Ursel Arends, unda el’a bisa cu e no ta forma parti di ningun complot pa formacion di gobierno.
Tabata diadomingo cu Miguel Mansur a cuminza un iniciativa pa traha un front, pa bay deal cu partido Mep! Cu otro palabra su intencion tabata cu sea ta forma cu tur 5 partido of nada!
E postura di Miguel Mansur a cay den masha mal tera, pasobra e no kier respeta e proceso oficial di formacion, via gobernador.
Despues Mansur ta papia di un Gobierno nacional di tur partido. Algun dia prome e tabata contra Mep, pero awor kier gobierno nacional cu Mep.
E unico conclucion cu por saca ta cu Mansur ta un nobato y cu no sa nada di gobernacion.
Pa loke ta trata su plan di complot, esaki a cay na awa awor cu Raiz a bisa cu nan no ta forma parti di complot.
