Minister Ursel Arends a informa diabierna anochi cu el’a firma e prome 20 permisonan di taxi, reafirmando cu e proceso mester ta basa riba oportunidad igual pa tur aplicante.
Inventarisacion i Transparencia
Na 2023 a cuminsa cu e inventarisacion di esnan cu den pasado a aplica pa permiso di taxi. Durante e proceso, a sali na cla cu hopi aplicantenan a warda mas di 20 aña. E cambio den maneho a trece un structura nobo y transparencia den e proceso, lo cual ta permiti un evaluacion mas husto i organiza di tur peticion.
Proceso basa riba FIFO
E lista completo di esnan cu ta den pipeline pa ricibi permiso di taxi ta disponibel riba Publico.aw den e tab di permiso, basa riba e zaaknummer. Siguiendo un sistema FIFO (first-in-first-out), e prome 20 nan cu a wordo firma ta basa riba fecha di peticion. E aplicantenan ya a wordo contacta door di DTP pa presenta nan documentonan, cu ta sirbi pa verifica nan cualificacion. Den e caso aki, e prome 20 nan ta hulpschauffeur actual cu ta cumpli cu tur rekesito necesario.
Un Futuro Pa Tur
E firma di e prome 20 permiso ta yuda pone fin na un sistema anticua, i ta duna speransa pa un futuro mas husto i organiza den regulacion di taxi. E cambio den maneho ta insisti riba e idea cu tur aplikante merese un trato igual, y e paso aki ta un compromiso pa un proceso mas transparente i structura.
Loke no ta suficiente cla pa Solo di Pueblo, ta cu tur e 20 nan actual ta hulpchofer? Y esnan cu tambe a pidi hopi aña pasa, si nan no ta hulpchofer, nan no a logra haya permiso?
