Lansamento di vacunanan contra COVID-19 a intensifica e debate riba si mester ta obligatorio y e hefe di un importante grupo di presion di turismo a bisa cu haciendo esaki lo causa un daño ireparabel na e sector.
Sector den dilema
“Mi no ta kere cu e Gobiernonan lo rekeri e vacunacion otro aña” pa biaha, Gloria Guevara, director di e Conseho Mundial di Biahe y Turismo a bisa, den un conferencia di prensa diahuebs.
“Si haci esaki, e lo mata e sector.” E promenan den fila pa ricibi e golpinan ta inclui hendenan grandi y esnan vulnerabel, cu “ta e ultimo personanan cu ta biaha,” el a bisa.
En cambio, ta probable cu lo reforsa e reglanan pa e testnan di virus prome cu e salida. Alan Joyce, director ehecutivo di Qantas Airways Ltd. a cuminsa un debate den henter e industria luna pasa ora cu el a bisa cu e prueba di vacunacion lo ta un condicion pa e biaheronan cu ta drenta of sali di Australia den avionnan di e aerolinea.
Te awor aki, ningun pais a haci e vacunacion obligatorio ni a bisa cu e lo ta necesario pa personanan cu ta crusa frontera.
Aerolineanan ta esunnan mas afecta door di e crisis di salud y e lobby global di e aerolineanan di IATA ta premira perdinanan combina di 157 mil miyon di dollar e aña aki y e proximo.
Ora cu agrega e sector turistico en general na e recuento, e impacto ta aumenta na 3.8 biyon di dollar, Guevara ta bisa.
El a papia den un evento organisa pa CommonTrust Network, un organisacion sin fin di lucro Suiso respalda pa e Forum Economico Mundial cu ta implementando un sistema di salud digital yama CommonPass diseña pa certifica e resultado di e pruebanan pa minimalisa e riesgo di fraude.
Aruba ta depende di turismo, lo cuminsa uza e sistema na februari pa evalua bishitantenan, Minister di Salud, Turismo y Deporte, Dangui Oduber a bisa den e evento. E isla ta ehecutando un proyecto piloto cu JetBlue Airways Corp. pa realisa pruebanan, pero e vacunacion no lo ta riba e agenta por lo menos durante e prome mita di 2021, el a bisa.
E uzo di sistemanan digital como un forma di reactiva biahe tabata tin resultadonan mixto te awor aki.
E aeropuerto di Roma a cuminsa cu un coredor cu algun destino na Merca e luna aki, pero otro planea entre Singapore y Hong Kong a pospone te cu otro aña memey di un resurgimento di casonan di COVID-19.
Ademas di CommonPass, IATA ta trahando riba su propio aplicacion mobil, Travel Pass y ta planificando un programa di prueba cu British Airways, IAG SA, e aña aki. AOKPass, di e empresa di siguridad den biahe International SOS ta wordo uza den vuelonan entre Abu Dhabi y karachi y Islamabad na Pakistan.
Fuera di e industria di aerolinea, Stephen Cotton, secretario general di e Federacion internacional di Trahadonan di Transporte, a bisa cu cientos di miles di marino rond mundo ainda ta para den barconan y no por bay bek nan cas debi na e restriccion di biahenan internacional.
“E crisis humanitario aki, cu tambe ta representa un riesgo significativo pa e cadenanan di suministro mundial, mester aborda den parti mediante e introduccion di un certificacion reconoci internacionalmente di e resultadonan di pruebanan COVID-19 y di e vacunanan,” el a bisa.
