Den un disturbio grandi na Den Haag, por lo menos seis polis a resulta herida. Polis a bisa cu a cay hopi detencion.
Ta trata di un problema di e pais Eritrea na Africa, cu desde 1993 ta bao comando di dictador Afweki. Pa e mes motibo hopi cuidadano di e pais ey a huy y a refugia na Hulanda.
Diasabra anochi, esnan pro e dictador a organisa un reunion, y esnan contra e dictador a bay protesta, cual a termina den disturbio y vandalismo na Den Haag.
E rebeldenan a ocupa cayanan di Den Haag pa oranan largo y a kima varios auto di polis, como tambe un bus di turismo. Polis a desplega gas lacrimogeno pa detene e grupo rebelde.
Segun polis, presuntamente tabatin un enfrentamento entre paisanonan di e e pais Eritreo, cu ta un pais na Africa. E confrotacion tabata entre Eritreonan pro y anti-nan regimen dictador. E eritreonan pro-regimen dictador a convoca un reunion na e sala yama ‘Opera’, pero nan oponentenan a opone y cuminza rebeldia contra reunion. No mucho despues, e disturbio a cuminsa.
“Ta hopi tristo pami como refugiado pa mira esaki! Di un banda nos ta busca refugio den boso pais cu centenares di mentira y di otro banda nos ta trese boso pais na e situashon aki. Esaki ta realmente inhumano! hopi disculpa Hulanda, un Eritreo a declara na un prensa Hulandes.
Durante oranan, e vandalistanan por a move den e caya sin wordo molestia. E disturbio a inclui tira piedra riba polisnan y cuerpo di bombero. Dos vehiculo policial a keda kima. Un bus tambe a kima y varios auto a keda destrui cu piedra cu tabata bula manera awacero. E auditorio “Opera” tambe a sufri daño serio.
“Esaki ta ekstremo”
“Esaki ta extremo”, un miembro di e sindicato di polis a bisa na e sitio.
“Nan ta bisa cu nan a dal nan cu bloki di kadena y bat di beisbòl. Tambe a tira trapi, stellage y verf abak. No solamente polis a ser ataca, pero tambe glas di tres truck di brandweer a keda daña.
Brandweer no por a yega e sitionan pa hopi rato pasobra e tabata hopi inseguro. No tabata te rond di 20: 15 cu e trabounan di paga candela por a cuminsa. Na e mesun tempo, e calma a bolbe parcialmente. Na 22: 30, e eritreonan cu ainda tabata den e edificio a wordo escolta pafo bou escolta policial.
“Oficiale di polis ta papia di un bataya”, presidente di E Asosiacion di Polis Hulandes Ta bisa Den media social X. ” Incluso vehiculonan blinda a ser bati y vandalisa.
“No tin sufisiente polis”
Un bisiño a bisa ku tabatin un ambiente tenso for di 4or di atardi, pero cu polis tabata presente cu masha poko homber pa detene e gruponan di rebelde.
Polisnan a bini den masa na e districto durante anochi pa restablece orden den e cayanan. Polis a haci lo pasibel pa mantene e dos gruponan separa. Un helicopter di polis tambe a wordo usa durante operacion policial.
“Hopi hende ta hopi spanta .”
E habitantenan loc tabata den contacto ku otro via WhatsApp durante e situacion tenso. Un di nan a bisa ku e tabata tene un bat di beisbòl. “Nan no mester bin aki na nos auto. Mi ta kere cu hopi hende ta hopi spanta.”
