Diadomingo atardi a drenta informe di un candela basta grandi na Rooi Koochi cual tabata menasando autonan cerca, mesora a dirigi tanto polis como bombero. Na yegada di e patruya a nota cu ya caba e autonan a pega na candela y 2 persona lo a inhala basta huma y nan a bira malo. Na yegada di 3 unidadnan di bombero nan a inicia cu un atake directo y duro pa asina purba contene y paga e candela completamente. Un rato despues a presenta ambulanscu a duna asistencia na esnan cu a inhala bastante huma.
