Vice-presidente di Caribbean Football Union (CFU) ing. Richard Dijkhoff presente na CFU 2020 Boys’ U14 and 2021 Girls’s U14 Challenge Series

0
84

ORANJESTAD, Aruba – 30 di augustus 2021: Diadomingo ultimo, e vice-presidente di Caribbean Football Union (CFU), esta ing. Richard Dijkhoff, tabata presente na e weganan final di CFU 2020 Boys’ U14 and 2021 Girls’ U14 Challenge Series, organisa e aña aki na Santo Domingo. 

Manera cu a anuncia anteriormente, a reeligi ing. Richard Dijkhoff como vice-presidente di CFU y asina un biaha mas e ta forma parti di e directiva di CFU, cu tin e tarea pa representa su 31 miembronan den CONCACAF pero tambe na FIFA. E rol y responsabilidad di ing. Richard Dijkhoff durante e torneo aki tawata pa supervisa e organisacion pero tambe pa representa e directiva di CFU y percura pa e contacto entre CFU y e federacion di futbol Dominicano cana “smooth”. 

A parti e torneo den dos categoria, di cual a crea un categoria di nivel A y un categoria di nivel B, pa asina e paisnan por competi riba nan nivel y logra e objetivo di e torneo aki. Den categoria di nivel A a pone e paisnan cu un miho posicion riba tabla di posicion den CONCACAF, por ehempel Haiti, Puerto Rico, Curacao, Graneda y den nivel B a pone e paisnan principiante kendenan tawata entre otro Boneiro, Aruba, Turks & Caicos, etc. E gran truinfado di e torneo aki a resulta e pais Haiti, kende a sa di titula campeon den tanto CFU 2020 Boy’s U14 como den 2021 Girls’ U14 Challenge Series den categoria A, mientras den categoria B, orguyosamente Aruba y Boneiro a titula campeon.  

Naturalmente su estadia na Santo Domingo, ing. Richard Dijkhoff tabatin diferente otro reunion cu tanto representantenan di FIFA como tambe di CONCACAF riba e importancia pa CFU organisa e tipo di torneonan aki y con, hunto cu FIFA y CONCACAF, por mehora y haci e torneo aki un permanente y mas grandi ainda den futuro. Asina aki tambe a reuni cu e presidente di e federacion di futbol di Santo Domingo, Ruben Garcia, cu tabata masha orguyoso cu a scoge Santo Domingo pa organisa e torneo aki. 

Despues cu e team organisatorio di CFU finalisa su evaluacion di e torneo aki y presenta e resultado na e directiva di CFU, lo tuma un desicion na unda e siguiente edicion lo tuma luga. Tin pensa si caba cu e siguiente edicion lo tuma luga na un di e islanan ariba, cu por ta Barbados, Grenada of Sint Kitts & Nevis. 

Pues, un biaha mas ing. Richard Dijkhoff a representa nos isla dignamente internacionalmente, cu ta haci nos masha orguyoso.Un biaha mas a saca cara y representa Aruba internacionalmente y ta di spera cu mas dirigente manera e por sigui representa futbol di Aruba.

LEAVE A REPLY

Please enter your comment!
Please enter your name here