Diadomingo anochi tawata uno basta pisa pa polisnan.
Den careda di 10’or y mey informacion a drenta di accidente pisa dilanti Cayena Mall riba Caya Betico Croes.
Tawata trata di un brommer y un Van color blanco.
Polisnan cu a yega mesora a pidi pa ambulance, pero alabes por a mira cu e motociclista ya no tawata reacciona. Na yegada di Paramediconan, mucho mas no por a haci debi cu e motociclista homber yama Denny Enmanuel Leoni Davila naci na Venezuela 24 november 2003 ( 21 aña) no tawata duna señal di bida mas.
Asina a cuminsa e procedura di notifica e autoridadnan concerni.
Na e sitio nos a combersa cu un persona cu un rato prome a mira e brommer y cu esaki lo tawata coriendo cu velocidad basta halto.
Esaki a sosode altura di rotonde di Dadelstraat.
Di eynan e victima lo a bay abou y a para na Tarabana Food Center(no ta conoci si e lo por cumpra algo) y despues a sali bay direccion Cayena Mall unda e ta accidenta.
