E accidente cu a sosode den marduga di awe na Savaneta ta dal un buelta nobo mientras a sali versionnan nobo y grabacionnan di video di habitantenan di bario na caminda di Sabaneta.
Esakinan mustra hopi cla cu dos auto tabata pustando den loke ta un careda ilegal, surpasando e limitr di velocidad y poniendo otronan riba caminda na peliger.
E imagen ta mustra con un truck ta pasa tranquilamente riba caminda, sigui pa dos auto cu velocidad halto pasando un auto cu tabata coriendo tras di e truck.
E revelacionnan nobo aki ta mustra cu e accidente a wordo causa directemente pa e chofernan envolvi den careda ilegal. Loke por asumi ta cu e promer auto a logra pasa bay, pero e auto su tras a haya e impacto frontal. No ta conoci si e promer auto a para of a huy.
