Den presencia di famia y coleganan di Fundacion Facilidadnan Deportivo (FFD), a despedi di Vilma de Cuba, cu awor en adelante lo disfruta di un pensioen bon mereci. Vilma a fungi como werkster y tabata encarga cu Compleho Deportivo Simeon Antonio y Compleho Deportivo Yara.
Vilma a drenta servicio 2 di april 2007 na Fundacion Lotto pa Deporte y 1 april 2012 a pasa over pa FFD, y oficialmente a sali for di servicio dia 31 di october 2022. Pues un total di 15 aña y mey demostrando un gran empeño den su trabou.
Despues di algun bunita palabra di gerencia di FFD a haci entrega di un regalito na Vilma como muestra di gratitud y aprecio. FFD no solamente ta perde un gran empleado, pero mas cu tur cos un super bon persona pa su demas coleganan.FFD ta desea Vilma hopi salud pa e disfruta di su pensioen.
