Den Haag – Un vuelo di TUI riba ruta di Amsterdam pa Curaçao mester a stop na isla Terceira na Azores riba diaranson. E motibo tabata un incidente cu un di e pasaheronan unda e orden den e avion a keda gravemente afecta, segun e aerolinea a bisa.
E medionan local ta skirbi cu e homber a acosa miembronan di e tripulacion y a mustra un comportacion agresivo. Ta bisa cu el’a ataca pasaheronan hulandes spesíficamente, acusandonan di oprimi yiunan di Korsou. E homber tambe a afirma di ta miembro di no Limit Soldiers, un banda criminal di Curacao.
Na Aeropuerto Terceira, e homber a desembarca y a wordo entrega na autoridadnan local, TUI a bisa. Despues di esey, e vuelo pa Curacao a continua y finalmente a yega sano y salvo riba diaranson anochi.
