Diaranson mainta, KIA ta bira e tarima di noticia, ora cu Sindicato TOPA lo tene un accion di protesta. Tur cos ta draai rond di e hecho cu trahadornan tin desgusto cu director actual, Sr. Winklaar.
E kehonan cu tin ta hopi y ta bisa cu e director nunca ta sinta cu su trahadornan. Otro ta bisa cu e tin un actitud arogante. Algun di e puntonan cu por a filtra ta bisa: e ta yega KIA 12’or pa 1’or paso e mester bay gym prome.
El’a keda 12 siman cas pa zwangerschap verloof di su señora. E ta papia di por bati na su porta pero nunca e tey y ora e tey e ta druk y ora di papia cune, mester sera boca pasobra e so ta papia y kleineer te asta su marionetanan. E tin un marioneta ta laba auto di dienst diasabra y cobre na overtime. Bo kier papia cu preso pero ta cana cu arma den banda pa bo intimidanan
Cambio di director na Kia:
No ta prome ves cu esaki a sosode na KIA, pasobra ta constantemente tin cambio di director na KIA. Gerald Keteldijk, Ben Vocking, Emilio Geerman, Sharisc Agunbero, Aishel Hooker, Fred Weienberg, Trudy Hassel, Dick van Leenen.
Ta Fredy Maduro y Robby Peterson SO a scapa.
Segun por a compronde, a haci e pregunta na e trahadornan: Boso tin un candidato pa ocupa e funccion? E trahadornan parce no tin candidato tampoco.
Walk out/reunion pa 9.or:
Pa 9.or di mainta e personal a sali. Segun Rene Bernabela, e disgustonan ta 11 punto, cu nan ta cuestiona e director di KIA.
Recientemente Rocco Tjon, a bisa cu e director di KIA ta bao di menasa di morto y ta pesey e ta na cas, pa motibo di su seguridad. Segun Bernabela, el’a instrui su trahadornan pa pasa na opleidingscentrum na Balashi, y a bin topa e director di KIA, trahando na e opleidingscentrum na Balashi.
No por ta asina cu pa motibo cu tin un menasa di morto, e director ta na cas, y a bin resulta cu e director ta trahando na opleindingscentrum. E trahadornan ta rabia, pasobra con por bisa un cos, y despues ta resulta den otro cos.
Bernabela di TOPA a convoca un reunion cu e trahadornan, esta un walk out, pa motibo cu tin desgusto hopi grandi. Tur trahador a sali pafor, pasobra ta basta cu e maneho cu e director ta hibando.
Segun Bernabela a bisa, e ta keda pendiente di un yamada di Roco Tjon, pa atende cune ta kico ta bay pasa. E walk out ta te cu 10’or di mainta, pero no por descarta cu lo alarga.
Algun di e 11 puntonan:
- Director Winklaar no ta sinta na KIA
- Director a menciona un maneho cu ‘porta habri’, pero trahadornan ta puntra unda esaki a keda
- PNO cu mester atende e personal di KIA, pa nan haya contesta, y nan no ta haya contesta.
- Staff cu ta traha banda di e director a dicidi cu nan no kier traha mas cu director. Staff kier overplaatsing pa bay otro departamento, pasobra nan no por mas cu e director
Si no bini un contesta di Minister di Husticia, lo alarga e reunion te ora cu haya un contesta.
